بسم الله الرحمن الرحيم

الحمد لله رب العالمين بعد ما قمت بتعريب قوالب من افضل القوالب العالمية الخاصة بمجلة جومالا
والتعامل مع ملفات ال css
ومنذ فترة وانا احلم بتصميم قالب خاص يكون على كيف كيفى مش زى كل مره اعرب بكون مخنوق لان نظام مفرود عليا انى استخدمه زى ماهوا مقدرش اغير فيه
وطبعا قمة المتعة انك تعمل حاجه تكون مظبوطة على موقعك وزى مانت عاوز
وللاسف لااعلم شىء عن التصميم ولا البرمجة ولكن بفضل الله بعد عمل مع هذا الاسكربت لفترة تزيد عن العام والتعامل مع كل جديد
الحمد لله حفظت مكونات القالب وتكوينته ازاى
ووجدت منذ فترة اضافة خاصة بال dream weaver اسمها joomla kiteبتساعد على تصميم قوالب جومالا واول لما لقتها نزلتها هنا فالمنتدى وقولت ياريت اللى يعرف اى حاجه فالتصميم يستخدمها وكان معاها شرح صوت صورة اكثر من 30 درس
واللى من خلال هذه الاضافة قام احد الاعضاء بانشاء دورة فالتصميم واتمنى انه ينهيها بشكل كويس لان الموضوع كبير

باختصار الاضافة دى بتساعد بس برده مش هيا اللى بتصمم لان هى بتشتغل فى نظام الجداول فلازم تكون عارف css عشان يبقى قالب محترم
نكلم بقى عن القالب بتاعنا

 

اولا انا ااقصد اول قالب عربى ليا انا معرفش حد عامل لنظام 1.5 native عربى قبل كدا ولا لا
كلمة native يعنى بيشتغل من غير خاصية التوافقية بتاعت الاضافات القديمة يعنى جديد فجديد
وانا قصدت اعرضه فالوقت عشان نشوف ايه الاخطاء اللى ممكن الناس تلاحظها لان مش هعرف اشوف كل حاجه فيه وخصوصا ان دى اول مرة
لزيارة المثال الحى من هنا

القالب مازال تجريبى بمعنى انى ممكن انزله دلوقتى بس محدش هيعرف يتعامل معاه واللى هيتعامل هيلاقى فيه عيوب
منها ان فى حاجات بتتغير مع نوع المتصفح وخصوصا المتصفح اللعنة انترنت اكسبلورر ولا اعلم سر حب العرب لهذا المتصفح العجوز
وكمان لسه القالب مش كامل هو كدا الخطوط العريضة يعنى المرحلة دى من القالب 40%
من مميزات القالب


هيدر فلاشى يمكنك استبداله فى لحظات من لوحة التحكم
موديلات اخبارية عالية الجودة
موديل الاخبار السريع والمميز لعرض الاخبار بطريقة slide show
سهولة الوصول الى الخبر
المرونة فالاستخدام وتعدد الاستخدامات
خفيف جدا على المتصفح
والمزيد ان شاء الله تكتشفوه قريب
الدعم المباشر


بالمناسبة احنا عملنا خدمة الدعم المباشر بموقع الدعم
ويمكنك من خلالها التحدث مباشرة الى مسؤولى الدعم بالموقع
للاسف الخدمة متاحة فترات متقطعة على مدار اليوم لكن ان شاء الله قريب تكون 24 ساعة
كمان يمكنك ترك رسالة الى مسؤول الدعم المباشر من خلال الخدمة وتترك فيها اللى تحتاجه واميلك فقط للضرورة اما المشاكل والطلبات فبمنتدى الدعم ان شاء الله
كمان سيتم سيتم تفعيل نظام التذاكر قريب جدا للاعضاء فقط

Comments

بحث

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."